قصة منسي المسكين ( لا تفوتك) الحلقة 1

قررت أسرة منسي السفر إلى بريطانيا وبالتحديد إلى لندن بعد أن جمعت أسرته الدراهم والقروش على مدار السنة فجهزت الشنط وضبطت الحجوزات ولكننا بنسلط الوضع على تضبيط منسي باشا قال لأمه أبي شنطة خاصة لي بس ؟؟ ليش الله أعلم _ المهم قالت له أمه طيب سو اللي تبيه وينبسط منسي ويروح من اليوم الثاني ويطق له ذيك الجنزات والتيشيرتات اللي على كيف كيفك ؟ ويحطها في الشنطة ويروح مدخل يده تحت مخدته ومطلع منها 2130 ريال تحويشة العمر ويحولها بريطاني حول نصها بس؟؟ المهم حطها في زي الشراب وزبنها في الشنطة......
والله ويقومون أهل منسي في الصبح وهو تافل العافية من جد مانام إلا الساعة ثنتين (وكان في الصف الثاني المتوسط ) كل الوقت قاعد يفكر في لندن ستي؟؟!!
والله ويلبس وحدة من البنطلونات اللي عنده وتوصى في الفنيلة ويبخ ذاك الطيب اللي تشم ريحته تتفل العافية وهو يحسبه زين المسيكين ؟؟ ويدزوون للمطار وحاط في جيبه هد فون حاط فيه ( الله مكبر غلاك –رهيب- ياقديم ) ويعيد في الشريط إلا ان وصلوا المطار .
وصلت الأسرة المطار ومنسي الضحكة مافارقت وجهه وأنواع الوناسة في العائلة لأن الجو في الصيف ما لأمه داعي في الرياض فهم يبون الفكة ماعلينا من الجو علينا من أهل منسي ضبط وضعهم وانتظروا حتى سمعوا إن الرحلة أصبحت جاهزة والله أنواع الفلة والوناسة عاد يجيك منسي وعكش طايرين يبون يحجزون مقعد جنب الشباك ( مخفات يحسبون اللي يجي أول ياخذ المكان ) ويمد كل واحد منهم البوردينج للمضيف ويركض للطيارة ويوم إنهم عطوا المضيفة البوردينج ودتهم المحل ويجيك عكش يدف منسي ويسفط على الأرض مسيكين عاد وصلت الدعوة مع المضيفة وراها بشرية بتدور لهم أماكنهم وهم يتطاقون مع بعض أنا اللي بجلس والثاني لا انا يالزق والله لعلم ابوي والثاني كل تبن لا انا اللي بركب جنب الشباك
عاد المظيفة جتها فكرة حلوة وهي إنها تسوي قرعة عشان تفتك من هالبزران والله ووافقوا وطلعت القرعة لمنسي وجلس بجنب الشباك وقعد يضحك على عكش المسيكين ... والله وطارت الطيارة وحفظ منسي الله مكبر غلاك صم وماكان عنده إلا هو رمت له أمه شريط للشريم سورة يوسف قالت اسمعه أحسن لك من هاللي مامنه فايدة والله ويحط الشريط في الهيد فون ويسمعه وعاده أكثر من 7 مرات وهو ساكت ما يتكلم هو وأخوه مع العلم إن عليه قرق بس يبي يوري عكش إنه زعل عليه عاد عكش زهق جلسه مالها داعي والطريق طويل قال في نفسه خلني أصالحه وفكرة إني آخذ الهيد فون منه والله وقال حقك علي يا منسي ان الغلطان إنت أخوي الصغير ومفروض أعطف عليك واجلسك بجنب الشباك لكن أنا آسف وقعد يعطيه من هالأرانب إلين ما مر واحد من أخويا عكش كان بيروح لدورة المياه ويقزه عكش ويستلمه ترحيب وتهليل وسواليف قال ورى ما تقش أخوك وتخليه يجلس هناك مع أهلك قال والله فكرة صح وعشان يمدينا نخطط وش بنسوي هناك ؟؟؟!! والله وصرف عكش منسي لكن ماش منسي وده يعرف وش يتكلمون فيه ؟ حاول وحاول لكن ماش عجز إلا ان قال الطيار الرجاء ربط الأحزمة ويرجع خوي عكش لمكانه ويرجع عكش منسي لمكانه وقال منسي وش تكلمتوا عنه؟؟ قال عكش وش دخلك ياملقوف توك صغير يابابا على هالكلام اللي نقوله ؟ يوم قال كذا حس منسي إن في الدعوة ( إن ) وحاول يقردن في عكش يعطيه الهيدفون ماش معيي يعلمه يعطيه ( أم أم ) والله مافيه فايدة ؟ عاد قال منسي والله ما هميتني لا أنت ولا خويك ولا اللي كنتم تسولفون فيه ( وهو وده يموت ويعرف وش كانو يتكلمون فيه ) عاد هبطت الطيارة ونزلت الأسرة وركبوا الباص اللي بيوديهم للبيت لكن الطريق كان بعيد فنام منسي في الطريق
وصلت الأسرة للمنزل شال أبو عكش منسي على ظهرة ونطله على السرير وراح هو وام عكش والبشكة لإستكشاف المنطقة وتركو منسي في البيت وسكرو الباب عليه ؟؟؟
والله راحت نصف ساعة بس من روحة الأهل إلا ويقوم منسي حس إنه في حلم راح وكب على وجهه مويه لا والله انا مانيب في حلم هذي لندن نط وشوي ويصقع في السقف من الفرحة بس استغرب وين عكش والأهل ما علينا خلني أطلع لي كم جنيه وأدز للبقالة وأشتري لي كوكا وإم إم وأنتظر هم إلين ما يجون؟؟
راح منسي يحاول يفتح الباب لقاه مسكر ويحاول من هنا وهناك ماش مسكر ؟؟ قال خلني أدور لي مكان اطلع معه عاد هو عصقول يمديه يطلع من أي مكان ويلقى بلكونة فوق والله ويطب منها وينزل حبل عشان يرقى ثاني مرة وراح زي الغزال للسوبر ماركت ورجع وتسلق وولع انوار البيت ولقى فيه صالة ما انتبه لها بالاول فيها ريسيفر وتلفزيون 20 بوصة ؟؟؟ انبسط منسي وقال فكة خلني اناظر اللي أبي ما حد يقولي غير الفلم ولا المسلسل ... ويلقى ريموتين مرميه على الكنب ويفتح الكوكا ويشغل التلفزيون وبعده الرسيفر ويلقى الأخبار ( سي إن إن ) ضحك وقال يووووووه ذي وراي وراي أشوى إن أبوي مهوب فيه كان قالي حطها وقلب القناة ولقى قصة منسي المسكين ( لا تفوتك) الحلقة 1 Smile

قصة منسي المسكين ( لا تفوتك) الحلقة 1 Smile

.............البقية في الحلقة 2 ؛)

------------------
الا ياوردة العشاق ونار الحب والأشواق... انا اول من عرف قلبك... واول من سمع نبضك ... واول شخص لك يشتاق

مشكوووور

مشكووووووووووور