مرحبك بك يا زائركل شيء تريده
 
الرئيسيةالبوابةاليوميةبحـثمكتبة الصورس .و .جالتسجيلدخول

شاطر | 
 

 انظروا الى المرأه السعوديه .....عفواً لن اتزوج سعودي ..!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق المدرسه
مشرف علم الفلك
avatar

عدد الرسائل : 101
المربع : <FONT face="Arial ,Tahoma" size="4" color="#FFFFFF"><marquee bgcolor="#000000" behavior="alternate" direction="right">لا تنسى ذكر الله </marquee></FONT>
تاريخ التسجيل : 15/11/2007

مُساهمةموضوع: انظروا الى المرأه السعوديه .....عفواً لن اتزوج سعودي ..!   20th مارس 2008, 4:06 pm

<HR style="COLOR: #e1e1e1" SIZE=1>
{بسم الله الرحمن الرحيم}



أولا : مساكم الله بالخير والصحه جميعا""
ثانيا:أود من الجميع تقبل موضوعي بصدر رحب(إختلاف الأراء لايفسد من الود قضيه)
ثالثا: في الأونة الأخيرة أصبح يتردد على مسامعنا وقدأصبح محور لحديث [بعض فتياتنا ((وأنا من ضمنهم))
{أنا إذا جيت أبتزوج أبتزوج إماراتي ولألبناني ولأ....الخ}
طبعا: السعوي على جنب مو من ضمن القائمه
صراحه يحز في نفس الواحد انه يقول كلمات زي كذا بس ؟؟..
أنا وحده من ضمن بنات السعوديه تحديدا(الرياض)اللي رافضين فكرة الزواج من السعودين بتاتا البته.
طبعا: أنا مارفضتهم تسذا من عقلي أكيد فيه أسباب أبقول بعض منها.
-1 فيهم [شوفة نفس] مب في أحد وعلى فكره ؟؟ اللي شايفين أنفسهم مايحسون انها شوفة نفس أو "غرور" يتوقعونه نوع من أنواع (الثقل).
-2 طايحين ذا الأيام في حركه مايعرس الواحد منهم إلا لين يصك 30وطالع ..يفل والدي والديها بعدين خلاص عاد يبي يكون أسره يبي أيش يبي يكون اسره.. خاصه حقين {البنوك} إلا على طاري اللي يشتغلون في البنوك والله إني أرحمهم أحسهم طقم صبابات كلهم نفس الطينه كل واحد يقلد الثاني مسوين إنا (ثقال) و(تجار) ومافي أتجر منهم صح إن رزتهم وكشختهم وكلامهم الذوق يبين انهم عيال نعمه لكن إن رجعنا للواقع خرطي ماعندهم سالفه،،، ورواتبهم مايمديهم يستلمونها إلا طايره وكلها فسفسه على غير سنع،،، و خوذوها مني اللي يسوي إنه "ثقيل" تراه من جنبها يطلع سويسه حبحر من تحت لتحت طبعا محد بيطلع بلاويهم إلا اللي عنده مهارت التسحب لأن نوعيتهم {صعب }تعرف عنهم شي بسهوله مره (غامضين) ،،، ومايكون عندهم أصدقاء واجد إن كفرو ثلاثه والباقي "زماله" لأنهم مايثقون في (أحد) أنا معهم في هالنقطه في ذا الدنيا الواحد مايضمن أي شي حتى الصديق ،،، وحتى إذا سولفتوا معهم بأي "موضوع" وأنت قلت وجهة نظرك مع العلم إنها صحيحه لكن باإسلوبهم المقنع يخلونك إنت الخطأ وهم الصح حتى أنت تصدق انهم الصح... إلا مدامي بختم الكلام عن حقين البنوك اللي لو حكيت من اليوم لين باتسر ماخلص بعطيكم (نصيحه عنهم) انتبهوا انتبهوا تقولون سالفه ولا موقف ولا أي شي شلخه(نصبه)لأن ثقوا ثقه تامه بيكشفونكم ماشاء الله فيهم فراسه ونباهه اليمه ويلقطونها وهي طايره ولا تتوقعون إنهم يمكن يمشونها صح انهم مايصقعونها في الوجه لكن يذبون كلمه تدل إني ترى كاشفك مع ضحكه خفيفه فيها نبرة استهزاء طبعا إنت وقتها أنواع تصفقات الوجه والتلقيط تكره نفسك ...(وترى الظليمه شينه موب كل اللي يشتغلون في البنوك كذا بالعكس بعضهم حليلين لكن الأغلبيه الأغلبيه نفس الصنف اللي تكلمت عنه)
-3 نرجع للأسباب.. ولأ إذا جا الواحد بيعرس منهم أنواع الشروط أبيها (طويله) و(شعرها طويل وناعم) و(عيونها وساع) و(خشمها طويل) و(مبسمها حلو) ولأ أبيها تشبه 'إليسا' ولأ 'بنت عجرم' ولا 'هيفا' وفوق كذا يبيها "دينه" بس موب ذاك الإلتزام و(راعية بيت) و كلش يهون ولا اللي يبيها {مربربه} وإذا ولدت وتفخت عاد ياالله "أنواع التحطم" ياليتي ماأعرست عليها،،لعبو علي المشكله هو اللي طالبها.
السؤال هنا: يبيها حلوه ويبي مافي أعقل منها ويبي ويبي وهو ماشاف نفسه ياترى هو خالي من العيوب ؟؟؟
اللي يسمعه الحين على ذا>>> الشروط كنه يقول للقمر قم وأقعد مكانك:-p
-4 مايعجبه العجب لوها {ملكة جمال} لازم يطلع في زوجته شي
-5ماضيه المخيس،، أنا ماعندي مشكله يكون قد (كلم بنات) قبل لايعرس قد (قابلهم) بس القهررر؟؟؟ إذا هو من النوع اللي مايوقف عند مكالمات ومواعد !! يتطور إلى أشياء ثانيه {تجي الوحده على وجها وهو لاعب لعبة السبله}.
-6نسبة الطلااااااق زايده وبقوه عندنا وأكثرها بسبب ؟ (الخيانه الزوجيه) في بعض الرجال تزوج ولا ماتزوج موب شغلي "يكلم بنات" "يطلع معهم" ،،مره كنت في الجامعه وخاشه جو وأنا أسولف مع البنات إلا أسمع؟؟ وحده تنافخ التفت أشوف مين لقيت وحده من شلتي تكلم في الجوال !! ومافيه إلا قوة "مزاعق" حتى من كثر ماهي معصبه "تلوح بيدها" كملت سواليفي مع البنات ……… بعدين رحت لها..
قلت: وش فيس قبل شوي صراخس يسمعه إللي في آخر العايره؟؟
قالت: ماأنلام ياسوير
قلت: وش فيس ؟؟
قالت: تخيلي أتصل علي واحد وأنا وياه شيل وحط إلا يبي (يشبكني) ويوم ماشاف مني "رجاء"
قال: يابنت الناس أنا مابي منك الإ شي واحد؟؟
تقول: أحتريه يقول حبيني عشان أمد البلعوم زياده.. قال: أبي رقم خطابه؟؟
طبعا: هي كالعاده نط عرق اللقافه قالت ليه إن شاء الله وش تبي به؟ قال: أبي أعرس مسيار !
قالت:ليه مسيار؟
قال: أنا متزوج وعندي خمس عيال وأبي أعرس على وحده مسيار مدرسه عشان تصرف على نفسها
قالت: معليش ممكن سؤال؟؟
قال: تفضلي …… !!
قالت: ليه بتعرس عليها هانت عليك العشره هانوا عليك بزارينك؟؟ توقعته بيقول"ساحبه علي" ""مايعجبها العجب"...الخ
قال: (عظمتها عريضه) ركزوا باالله ((عظمتها عريضه))
تقول: صراحه مدري وش قصده بأي [عظمه] المهم إنها وحدتن من عظام الجسم..
وقتها وصلت معي ،،
وقلت: يااللي فيك مالا فيك نعنبو بليسك بتعرس عليها عشان عظمتها وش تسوي فيها تقصها هذا شي من ربي !
قال: أنا ماسويت شي غلط الشرع محلل أربع
قلت: مير لوه زواج علني بلعناها هذا مسيار مسييياريعتبر خيانه وترى الدنيا تدور مافي شي يقعد على حاله إنت خنتها ماتدري بكره إلا هي داقتك بركبه وخاينتك .
تقول: المشكله من صوته واضح إنه يحاوم التسبد ويوم عطيته الساخن أرسلت له مسج فيه دعاوي إن ربي ينصر زوجته ونصايح ...
هي قالت لي {زاد}‎الحقد على الشباب إلا على طاري عضمتها تذكرت شي تذكرت [الشباب السعودين] اللي كل ماطق حصاة وعود مسكو خط تمديح "يالبى السوريه" ولا اللبنانيه" ذولي ركب(قصده السعوديه) يتوقعون انهم بذا الكلام ؟؟يقهرونا لكن مايدرون إنهم إذا قالو كذا قلوبنا تتعصر عليهم من الرحمه
ياما وياما سمعنا {قصص} عن السعودين اللي يتزوجون من برى وآخرة زواجهم؟؟ الطلاق والتفليس بعد،،، إن جينا لأكثر الأسباب لطلاق الأجنبيه من السعوي تكون (ماصه ماوراه ودونه)
ياالله مهنتها تسف عليه من ذا الحكي "ياالبي "تأبر البي شو بتعزب" وهو لايعزب ولا شي من جنبها وفاك معاها بقوه
(لو)السعوديه قالت له: ياقلبي وياعمري بيقطع في جليدها
طبعا: السوريه مره مرتين لين تفر رويسه على "أهله" وبيصدق
(لوها) السعوديه أهله وهو معهم بيقلبون عليها.
بجي يوم والسوريه تحتري هاليوم إذا جا "الحبيب" يالله تعطيه من ذا الكلام وأنواع التميلح تاخذ خصله من شعرها وتحطها عند أذنه يقالها تدغدغه(: وهو متشقق
(لو) السعوديه سوت كذا عسى مايخبطها بكرتون المناديل ويقولها ياشين المصاله بس.
وبتتلحوس عنده السوريه وبتقوله تأبر البي ابن عمي
بيقول: أمري تدللي أنا كلي لك تقوله:أمك وخواتك إنت عارف شو بيعملو معي وأنا بخاف بعيد الشر عنك يحصلك شي وين بدي روح أنا وولادي ؟؟
بكره الحبيب !! كاتب البيت بسمها وكل مالها تلقط أشيا منه لين الضعيف يقعد على الحديده ..
بعدها [طلأني] أنا ماأدر أعيش مع واحد مفلس المشكله ؟هي اللي مفلسته.
صح "الأجانب" فيهم (بياض) لكن بياض ماصل وإن جينا للملامح مهنأ ذاك الزود موب سنعه.
بنت السعوديه؟ اللي بيضا منهم؟ تجيك (جميله) ولا (ناعمه) والسمرا تجيك (مملوحه).
.ويكفي بس إنها تكون "كشخه" "ورزه" ويكفيك ريحتها أنواع العطور والفله موب الأجانب استغفر الله خلنوني ساكته أصرف .
وعلى فتسره ؟ترى أجمل بنات (بنات السعوديه) شفوا "الكويتين" و"الأماراتين" منهبلين علينا ولاااااااا "تغترون) بذا اللبنانين والسواريه اللي يطلعون في "التلفزيون" ترى ينقونهم نقوه وعمليات التجميل لاعبتن فيهم لعب من تحت لفوق براطم وصدور ووجه ..الخ
وبرجع لنقطه شطفتها.. نسمع ونرى شبابنا وعجزنا وشيابنا ينطقون بهذه الكلمات(الحقود والحسود أم الركب السود ودني لهلي ودني للسوق)
(الحقود والحسود) الله وكبر ياكبرها عند ربي الحقود والحسود يحوووووووول
مجتمعنا وموب بس مجتمعنا أغلب المجتمعات الخليجيه والعربيه صار الحقد والحسد منتشر فيها على أتفه الأشياء ع الرايحه والجايه ومافيه إلا قوة (صواريخ) مالهم سهمه إلا الصقع والصقيع .
وللي يحقد ويصك وخصوصا اللي متعمد هالشي يكون؟؟وضعه لك عليه يكون؟؟ من ضعاف النفوس اللي مافيهم خوف من الله ولأ فيه (مرض نفسي) يكون ؟فيه نقص ،،الله يشفيهم ولا يبتلينا،،
وع طاري الصك والصكيك تذكرت موقف ؟ ؟ ؟ ؟ ؟
يوم كنت "بثالث ثانوي" عندنا وحده في الفصل،، يسمونها (بندق)
قلت: للبنات يابنات وش ذا المزح البايخ مالقيتو تعايرونها إلا بندق
<نظامهم قديم معاير
قالت: وحده من البنات وش مزحه صدق وش فيك إنتي المهم انتبهي تقولين لها شي ماشيات عنك.
قلت: طيب . .
مع الأيام {صرت} أسولف معها وتسولف معي وخذت رقمي
جا يوم ؟وأتصلت علي وكان علينا بكره [إختبار]
قالت: ذاكرتي
قلت: لااااااه
قالت: كم درجاتك في الإختبارات اللي قبل ؟
قلت: الحمد لله أقل من 8 مافيه كانت إختباراتنا دوريه من 10
قالت: كل ماكلمتك تقولين ماذاكرت وتجيبين درجه زينه(؛
قلت: الله يخلي لي الغش لو مافيه راحت درجاتي
قالت:وجعع بضحكه محد كشفك؟
قلت: لا وين أنا لي سوابق
جا بكره وقت الإختبار والله العظيم إن كل البنات غشوا وأنا ياعمري مدري وش جاني كل ماجيت أناظر [شافتني الإستاذه] قفطتني مرتين قالت: لو شفت مره ثانيه تحاولي تغشي راح أحطلك صفر.
عقب الإختبار ماتمنيت؟؟ إلا هي قدامي عشان !! ألخها بكم كف وأبرد حرتي حتى أتذكر إن درجتي في ذاك الإختبار كانت زفت من عقبها بديت انسحب لين انقطعت أخباري وأخبارها..
وترى [الحسد والحقد] مو بس عند الحريم حتى الرجال،،، يجيك اللي صادم وسياره منعدمه وحالتها صعبه رايحه وطي وهو!! طالع سليم ماجاه شي على طول يعطلونه يجيه شين يستله..
وكلش يهون ولا ؟؟ ولد يصير نفسه في بنت. أقولكم كيف ..
نقول واحد يكلم "وحده" قبل الزواج تعرف عليها من نت أو من جوال أو....الخ وطبعا الكل عارف نهاية هالطريق الفرااااق يمكن 20% يكون زواج ويمكن يتوفقون في هالزواج ويمكن لا.. عاد مايجهلكم نظام شبابنا يعرس عليها عن طريق جوال بعدها أنواع الشك والشكيك
المراد: أقولكم لو واحد حب وحده قبل الزواج و(ماصار نصيب) وتفرقوا،يصير محيرها نفسه فيها ياماتعرس"ياتعرس بس ماتتوفق" ولا لين توصل لسن [العنوسه] وتعرس على واحد معرس وعنده عيال" ولا على واحد مطلق زوجته" بسألكم تتوقعون هل ذا الولد يحبها من قلب؟؟أنا عن نفسي ماأتوقع ولا واحد بلميه.. اللي (يحب من قلب) "حب صادق" موب حب ذا اليومين تعرفون الحين معد فيه إلا أرانب[إلاماشاالله] الحين صارت كلمة {أحبك} على الباب صارت تنقال زي كيف الحال وين أيام أول الواحد مايتعرف لشخص اللي يحبه إلا بعد "سنين" الحين من أول مكالمه خمس الدقايق الأولى،، قال: أحبك مشاالله مسرع ……
{المهم} اللي يحب بصدق ؟ يتمنى للي يحبه كل خير .يتمنى؟؟ إنه يكون دائما سعيد الضحكه ماتفارق خشيشته حتى لو كانت {السعاده مو معاه} وحتى لو {ماكان من نصيبي} برضو أدعيله إن ربي يوفقه.
واللي يتمنى (العكس)معليش معليييش،، هذا شخص أناني" حقود"حسود"مايحب إلا نفسه مايعرف شي اسمه (حب) تلقاه شايفله واحدن من "أخوياه" حب قال [بحب] (وقال وين قلت معهم)ولا في واحد يحب يتمنى للي يحبه أن ربي مايوفقه ..طبعا هذا منتشر عندنا وبقوه يقول أحب وإن جينا نشوف وش ذا الحب طلع خرطي وأنا أنصح ذا اللي يحقدون ويحسدون إنهم يبطلون ذا الحركات لأن مصيره ينكشف أذكر وحده تقربلنا صاكينها بعين دائما تتعب وحالتها مسكينه حالها قرت عند شيخ قالها إقري سوره في القران إظاهر إنها البقره مدة 21يوم وخلال هالأيام يمكن تحلمين في أشخاص ويتكرر الحلم أو يتكرروا نفس الأشخاص والأشخاص اللي تشوفينهم هم اللي صاكينك قرت وشافت أشخاص وخذت من غسالهم وخفت المراد من ذا البربره إن اللي يصكك خلق الله ترى يمديهم يقفطونه قسم باالله ماتسوى عليه فشيلته.
(أم الركب السود) عدال يالركب الورديه مشكلت شبابنا مايشوفون أنفسهم بس حاطين حيلهم فينا فيهم زودن حاشيهم اللهم لك الحمد والشكر
الركب: من ربي إنا اللي خالقين أنفسنا ولا تقولون ماتهتمون عجزنا مابقى كريم ماحطيناه شوي ونحرق انفسنا وبعدين مو كل البنات السعوديات ركبهم سود وإذا إنت تشوف أحد من أهلك ركبهم سود هذي والله مشكلتك لاتعم الخلق
ونسيتوا انفسكم إن كنا ركب إنتم وش تكونون ركب و كروش صح إنا تطلع لنا كروش لكن بعد الولاده بعد بزارينكم غصب تطلع
<يقالها مجربه
والحين البنات تفتحوا بعد الولاده صاروا يسون رياضه ويرجعون زي أول .
(ودني لهلي ودني للسوق) أجل بنقعد مقابلين خششكم زي ماتطلعون بنطلع وبعدين الهدف من طلعتها لسوق عشان تشتري ملابس وعطور و...الخ نتكشخ فيها عندكم وعساه بعد يملى عيونكم.
مالت بس
-7وأرجع لسبب رفضنا لسعودين عندك النظام المغبر يقول من البدايه بدقمها دقم ماأدري هو ماخد وشو تراها إنسانه تحس لها مشاعر ولأ اللي يجيك أبي أعرس على وحده عمرها 18 عشان أربيها عشان ايش عشان يربيها وش ذا التخلف قصده يبيها عجينه في يده هذا كفوه تجيه وحده تزوي هلبه عشان يعرف إن الله حق
-8فيهم عجز اليم(زوله) من يعرس على الوحده ودي حطي جيبي ويالله رقيه فوق بسرعه نزليه تحت جيبي هذا تقوله طيب جنبك هو لا أنا تعبان جيبيه إنتي هوالين بقوه السواريه واللبنانين مع حريمهم يدخلون المطبخ يساعدونهم وإذا حملت ماتقبل خير شر هم اللي يطبخون السعودي عجاز نفسه خايسه
-9 وفيهم نقطه مايخقون إلا على البنت الدلوعه الماصله بالعربي يعني اللي مثلي وشرواي مانصلح أبد يعني وش نسوي هذا من ربي أكره الدلع مره عندي العياره دلع صح إن أستحي والحيا نوع من أنواع الدلع لكن مايكفيه (الرجل بطبيعته طماع مايشبع أبد)
-10 وإن جاك واحد قابل في البنت مع إنها شينه أو فيها صفه مو حلوه يطلع أنواع التعقيد تفكيره قديم يسوطها سوط .
-11 يحبون التفشيل والإحراج ناخذ مثال: مثلا مثلا واحد تزوج وحده وهالوحده ماقد سافرت برا أبد قالها شهر العسل وش رايك نروح ماليزيا تقوله لا ماليزيا كلها خليجين وأنا صراحه وحده أبي أخذ راحتى نروح تايلند أحسن طبعا هو ينط ويتكلم وش دعوه قد رحتي تايلند ولا ماليزيا أصلا مع أهلك ربوع بلادي وبس ولا أنا غلطان؟هي بتكب خراطيمها وتقول بنبرة زعل لا مو غلطان
بيقولها وشفيك حبيتي كنها تغيرت نبرت صوتك؟
مسوي مايدري>
بلاه هذا أسلوب ؟؟من الأساس كان ماسألت أنا صراحه لوإني مكانها ماأضمن إني ما أخبط السماعه في وجهه وأقول ماأبيه إذا من البدايه كذا أجل شلون بعدين!
أنا أنصح كل بنت تمر في مثل هذي المواقف ماتسكتله أبد ترد عليه ولا تبين إنها منحرجه لأن الحبيب إذا شافها ساكته بيتلذذ بيصير كل ماخذا نتفها وأحرجها
-12ماعندهم حب بعد الزواج البطل البطل فيهم سنه حب وبعدين يكون مجرد احترام متبادل بين الطرفين
وأنا مايقهرني ويرفع ضغطي إلا أبو وجهين أتذكر وحده من البنات تقول كان زوجي في فترة الخطوبه يقولي البسي اللي تبين ماعندي أي مشاكل بعد الزواج قلب عليها ليش هالتناقض؟؟؟الضعيه شرت ملابس على كيفها بحكم إنه قالها ماعندي أي مشاكل في البس وآخرتها مالبسها مخزنه في الدالوب.
انتهيت
ملاااااحظه هامه:
أولا:ترى مو كل الشباب كذا لكن الأكثريه .
ثانيا:ومثل مافي عيوب في الشباب برضو البنات فيهم حقهم محدن خالي من العيوب وإن جينا لصدز ترى البنت تبي الستر ومردها لبيت زوجها فاعشان كذا ماتتشرط تكون قنوعه أكثر من الولد.
ثالثا:آسفه على الإطاله وآسفه إذا قلت أي كلمه ما استلطفتوها مني(:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو غنام
اداري سابق


ذكر عدد الرسائل : 574
العمر : 23
المربع : <FONT face="Arial ,Tahoma" size="4" color="#FFFFFF"><marquee bgcolor="#000000" behavior="alternate" direction="right">لا تنسى ذكر الله </marquee></FONT>
تاريخ التسجيل : 07/11/2007

مُساهمةموضوع: رد: انظروا الى المرأه السعوديه .....عفواً لن اتزوج سعودي ..!   20th مارس 2008, 4:33 pm

مشكووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ليفربولي والراس عالي_
اداري سابق
avatar

ذكر عدد الرسائل : 1286
المربع : <FONT face="Arial ,Tahoma" size="4" color="#FFFFFF"><marquee bgcolor="#000000" behavior="alternate" direction="right">لا تنسى ذكر الله </marquee></FONT>
تاريخ التسجيل : 12/11/2007

مُساهمةموضوع: رد: انظروا الى المرأه السعوديه .....عفواً لن اتزوج سعودي ..!   13th أبريل 2008, 4:14 pm

مشكووووووووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مهبول البلوز
مشرف القصص والروايات
مشرف القصص والروايات
avatar

ذكر عدد الرسائل : 416
العمر : 23
الموقع : StAmF0RD BREDGE
المربع : <FONT face="Arial ,Tahoma" size="4" color="#FFFFFF"><marquee bgcolor="#000000" behavior="alternate" direction="right">لا تنسى ذكر الله </marquee></FONT>
تاريخ التسجيل : 06/10/2007

مُساهمةموضوع: رد: انظروا الى المرأه السعوديه .....عفواً لن اتزوج سعودي ..!   22nd أبريل 2008, 8:33 am

أحسهباء بتتزوجين سوري ولا لبناني يعني شي سخيف بعدين في عيال مايخونون مب كلهم واحد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
انظروا الى المرأه السعوديه .....عفواً لن اتزوج سعودي ..!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى البلوز العربي :: القسم العام :: منتدى الفسحه العامه والسواليف-
انتقل الى: